#مبادرة_صحوة
👈 هى فكرة بنحاول نصحح بيها ثغرات كتير بتتسبب فى زيادة نسب الطلاق وهدم الأسرة المصرية ..
#قائمة_المنقولات
١- السلاح الاول للزوجة وبسببه بيتم فرض السيطرة منها او من اهلها عشان يجبروا الزوج على طلباتهم والا فالحكم بالحبس عليه بتهمة تبديد القايمة .
٢- من شروط الخلع ان الزوجة ترد مهرها وطبعاً المهر هو المنقولات اللى بيشتريها لزوجته ويكتبها فى القايمة ولكن اللى بيحصل ان الزوجة بتخلع نفسها وبشتكى بكامل القايمة .
٣- بسبب قائمة المنقولات واللى بيشعر بيه الزوج من تهديدات بسببها فبيكون دا سبب انه يتعامل بصورة قاسية مع زوجته عشان يثبتلها انه مش بيهمه وانه هو المسيطر
⛔️ وكل دى حاجات سبب كبير فى ان الاسرة المصرية بتتعرض لعدم الأستقرار بسبب سلاح ” قائمة المنقولات ”
عشان كده فكرت بصفتى رجل قانون وبيتعرض علينا كل هذه المشاكل اننا نوجدلها حل قانونى يحفظ حقوق الطرفين وهو ان يكون فى صيغة خاصة جديدة للقايمة قانونية تتلاشى جميع الثغرات السابقة وهى بكتابتها بالطريقة الأتيه 👇👇 :-
========================
” وأن هذه القائمة جزء منها اشتراه الزوج وجزء منها اشترته الزوجة وأهلها وكل ما هو في هذه القائمة ملك للزوجة.
وتكون ما اشترته الزوجة وأهلها ملكًا خالصًا أصيلًا لها، ويكون ما اشتراه الزوج مهرًا للزوجة يجب عليها شرعًا وبموجب هذا الاتفاق أن ترده وتتنازل عنه حين – لا قدر الله – طلبت الاختلاع أو الطلاق على الإبراء.
وأن محتويات هذه القائمة موجودة بحيازة الزوج في بيت الزوجية على سبيل العارية (الاستعارة) وليست على سبيل الأمانة ولا يحق التعامل بها على أنها إيصال أمانة أمام المحاكم المصرية ”
=========================
👈 وبكده الزوجة هتكون ملزمة برد المهر ويكون طلاقها للخلع خالى من الشبهات ..
👈 وكمان مش هيكون الشكوى بالقايمة أمام محكمة الجنح ويصبح الزوج مهدد بالحبس والزوجة تفضل تطارده ويمكن يكون خارج البلاد كمان ويسقط حكم الحبس .
👌👌 لكن هيكون الأجراء الصحيح برفع دعوى ” استرداد قائمة المنقولات ” ود بتترفع امام محكمة الأسرة ودى حكمها مضمون وبيتم التنفيذ على المنقولات واستلامها من تحت ايد اى شخص موجود حتى لو مش الزوج وفى وجود الزوج او حتى عدم وجوده .
❤️ وبكده نكون صفينا النفوس وعالجنا ثغرات قائمة المنقولات ❤️ ..
بالتوفيق للجميع.. .
#وليد_الفولى